Azərbaycan Respublikaədə siyasi məhbuson miğdori ziyod bey qıləy adiyə məsələy.
-
Mihman Huseinov çı Buko nəsimi məntəğə polisiku tənğid karde xoto həbs bıə.
Azərbaycan Respublika Musavat partiya rəis votışe: əqə dəvardə əsronədə dıvləti muxalifon umumi davon dəvoniyə ijən dıvləti siyasi sistemi əvəz karde xoto məhbus bıə bin, əmmo ısət fəğət de tənğid əkə mətləbon nıvışte bəhonəon ijən sosiyal şəbəkəonədə fəaliyət karde xoto zindoni bıdə
Bə Meydan Tv raporti əsos Arif Hacilu ım mətləbi çəy bəpeştə bəyonış kardə ki tojədən 24 sinnə məhbusə vebloq ənıvışt Mihman Huseinov Azərbaycan Respublikadə vey dehəştin və vahimain zindon Ğizildaş məntəğədə zindoni barədə mətləbon ifşoş kardə.
Arif Hacilu təsdiğış kardə: ısət siyasi məhbuson bə Ğizildaş məntəğə zindoni veğande qıləy adiyə məsələ bıə ki hətto 18 detosə 25 sinnə cıvonon həm bə siyasi əğidəon soiyb bey xoto dəstqir və əyo həbsin.
Ğeyd kəmon ki Mihman Huseinov çı Buko nəsimi məntəğə polis şobə rəis Musa Musayeviku tənğid karde ittihamon ısət bə 2 sor həbs məhkum bıə.
