Azərbaycan Respublika diniyə bovəon ozodəti ğanuni əvəz karde fikədəy.
Azərbaycan Respublika milli məclisədə ictimaiyyət və diniyə təşkilaton koonədə bıə komitə zinə diniyə bovəon ozodəti ğanoni əvəz karde xoto çəy tojə nıvıştə bə movzoon piyo təhğiğışon karde.
Bə İrna xəbon əsosi diniyə bovəon ozodəti ğanuni bə ğaidə noeyu tojə nıvıştə bə məsəlon əsosədə Ğəfğazı mıslmonon idarə Azərbaycan Respublikaədə diniyə mərasimon icra karde cəhətdə tojə extiyoronku bəhrə bəbay.
Azərbaycan Respublika milli məclisədə ictimaiyyət və dini təşkilaton koonədə bıə komitə rəis Siyavoş Novruzov həminə məsələ barədə bə jurnaliston votəşe: bə tojə şərayeti əsosi ğəfğazı mıslmonon idarə bə ım koon aid bə orqanon həmkarəiədə məmləkətdə diniyə mərasimon icra kardeyu bə azəriyə şəhrvandon ki xariciyə mərkəzonədə təhsilışon dəvoniyə icazə doy bəznen.
bə tojə nıvıştə bə ğəroli əsosi ğəyrəz diniyə şəxsiyyəton ki ğəfğazı mıslmonon idarə tərəfo dəvət bən dini koon təbliğ karde xariciyə şəhrvandon tərəfiku ğədəğən elan bə.
