Azərbaycan Respublika cıvonə bıloqeri şək şubhəinə marde vədə reaksiya.

Boku zindonədə qıləy bloqeri şək şubhəinə intihari xoto Azərbaycan Respublika muxalifət partiya iyən siyasiyə fəalonku ım məsələ həxədə təhğiğat kardeşon tələb kardə.

Bə Toran aqentəti zinə xəbon əsosi "siyasiyə zindoniyonku bə kənoə Azərbaycan" nomo bıə  itifaği rəis Oktay Quləliyev Boku şəhrədə de partiyaon nımayəndon iyən siyasiyə fəalon huzuri qıləy  foğəladdə iclosədə votışe:3 ruj dəvarde bəpeştə Mehman Ğələndərovi intihar karde xəbə nəşr be iyən cənazədə şək-şubhə bardə rizon iyən çəy ailə nıbə şərayetədə əmniyyətiyə ğıvvon tərəfiku sirriyə holətədə cənazə dəkande həmçinin bə rəhmətçəkəsi hovə etirafon ım cıvoni marde  şək-şubhəin be dəlil heste.

Oktay Quləliyevi əlavəş karde bə Boku şəhri Kurdxani zindoni məmoron elanon əsosi Mehman Ğələndərov de mələfə intiharış kardə və ım qıləy holəndəy ki Ğələndərovi hovə votəşe jiyə rizım ıştə bıvə qiyədə vindəme.

Azərbaycan Respublika demokratiya ğıvvon milliyə şura rəis Cəmil Həsənli həm siyasiyə fəal Mehman Ğələndərovi şək-şubhəinə mardeş məhkum karde və əvış demokıratiya şəhid hisubış karde.