Azərbaycan Respublika prezident Ermənistoni bə beynəl xalğiyə ğanunon rioyət nıkarde mıttəhəmış kardə.

Azərbaycan Respublika Riport Xəbə sayt elanış kardə ki İlham Əliyev ıştə zinə sıxanonədə Ermənistoni məhkumış kardə ki Ğərəboğ məsələ həl nıkarde xoto daimən İrəvan çı i bıə milləton təşkilati ğətnoməon ləğv kardedə.

İlham Əliyev təkidış kardə: Erməniston və Azərbaycan Respublika miyono yeqanə bohran Ğərəboğ məsələy ki çəy nəticəku bə 1 milyon nəfər nızi Azərbaycani şəhrvandon avarə bən.

Ğeyd bıkəmon ki İlham Əliyevi ım nıtğ zinə və mədəniyəton miyono votımon nomo iclosədə ki 120 qılə kişvər əcumlə İroni nımoyəndəon həm əyo iştirokışone elan bıə.

Ğərəboği barədə Azərbaycan Respublika və Ermənistoni miyono daveon bə 30 sor nezie ki bino bəy ijən həmçınan be ım ki həl bıbu dəvomış heste.