Bokuədə islomi həmrayəti hənəkon bo İronıjə mədəniyəti elan kardero qıləy çokə fırsəte.

Azərbaycan Respublikadə İroni səfarətxonə mədəniyə məsul votışe: Bukoədə islami həmrayəti hənəkon dəvoniye bo İroni rişədor və ğədimiyə mədəniyət və təmədduni elan kardero qıləy çokə fırsət heste.

Bə İrna raporti əsos Azərbaycan Respublikadə İroni səfarətxonə mədəniyə məsul Əsğər Farsi bə  Bokuədə islamiyə həmrayəti hənəkon dəvoniye işorəş kardə və votışe: bə təvafuğ və muzakirəon əsos həminə hənəkon bərpo karde rujədə  Bokuədə bə İroni mədəniyə rujon aid bıə mərasimon həm bərpo bəbe.

Farsi votışe: İroni mədəniyə rujon mərasimon dəvoniye yəni Mayə manqi 3 detosə 15 minə ruji mıddətədə  Bokuədə İroni mədəniyət və hınə, turist və mədəniyə zərfiyəton həmçınin vey xarıciyə turiston cəzb əkə vırəon iyən tarixi və təbiiyə mərkəzon elan karde nımoyeşqo bərpo bəbe.

Əv təsdiğış kardə: bə Azərbaycan Respublika çı İroni hınə soybon səfər karde və muxtəlifə dastiyə sənayeku nımoyeşqoon dəvoniye əcumlə İroni mədəniyə bərnoməonin.

Azərbaycan Respublikadə İroni səfarətxonə mədəniyə məsul bə İron və Azərbaycan Respublika miyono həmkari və 2 tərəfiyə əloğəon işorəş kardə və votışe: elmi və unnversititi əloğəon zumand karde ijən 2 qılə kişvəri unniversition miyono həmkarion hevuj karde  Bokuədə çəmə bərnoməonku ijən İroni mədəniyə mərkəzon qıləy planonku iborəte.