İron və Rusiyə miyono iğtisodiyə rabitə və həmkarion bə inkişofi tərəfe.

Rusiyə Dumay Məclesi rəisi məslehətçi votışe: bo İron və Rusiyə miyono iğtisodi həmkarion inkişof doero 5 milyard dollar budcə ixtisos peydo kardəşe.

Bə İrib raporti əsos Tehronədə ijən İronıjə taciron iclosədə çı Rusiyə Dumay Parlamenti rəisi məslehətçi votışe: detosə bə ısət bə 3 milyard dollar nızi sərmoyə Buşehri ətomiyə stansiyaədə ixtisos doə bəy ijən İsfəhan-Tehron ğətariyə xəti ruşnə təmin kardero həm çandə moyə noə bəy ijən omə planonədə həm ujnən 2 milyard dollar sərmoyə ixtisos peydo bəkarde.

Rəcəb Səfərov əlovəş kardə: əqə ım 5 milyard dollar kamilən xərc bıbu ujnən co 15 milyard dollar həm İron və Rusiyə iğtisadiyə həmkarion xoto ixtisos peydo bəkay ki qırd bə 20 milyard dollar bərəse.

Rusiyə Dumay məclesi rəisi məslehətçi təsdiğış kardə: Avrasiya kişvəron rozi bən ta İroni sərhəddonədə ozod ticarət məntəğəon soxtə bıbu ta bo İronıjə taciron sadir əkə məhsulonro qomrok rusumon sefer bıbu.

Səfərov bə İron və Rusiyə miyono stratejikə həmkarion işorəş kardə və votışe: bo siyasi dırovz mıddətə həmkarion inkişof doero ijən çəy zumand karde xoto iğtisodiyə həmkarion və əloğəon qıləy çokə peşto pore.