Avropa şura Boku devlətiku tələbış kardə siyasiyə zindoniyon ozod bıkə.

Avropa şura azərbaycan respublikaku tələbış karde təciliyə surətdə ə kəson ki siyasiyə fəaliyyəton və əğidəon xoto ım məmləkətdə zindoni bən ozod bıkə.

Strasburq şəhriku bə Fransə aqentəti xəbon əsosi Avropa şura azərbaycan respublikaədə bıə fəalə şəxs iyən bloqer  İlkin Rustəmzadə dəstqir be 4 minnə sorqordımoni mınosibəti ım tələbış bəyon kardə.

İlkin Rustəmzadə 2013-ə mayə manqi 17 minnə ruji dəstqir bə.

Avropa şura insonə həxon komiser Nils Muiznieks Azərbaycan Respublika rəsmi şəxsonku tələbış kardə insonə həxon barədə bəştə vəzifə diğğət bıdən və təciliyə holətədə həmmə kəsoni ki  ıştə əğidə bəyon kardeyu iyən ğanoniyə mədəniyə fəaliyyətonru zindoni bən ozod bıkən.