Bokuədə islomiyə həmrayəti hənəkonədə İroni varzışkaron tojə muvəffəğiyəton.

Bokuədə islomiyə kişvəron varzışiyə mısobiğəonədə İroni varzışkaron ujnən 2 qılə ğızıl midali kəsbışon kardə.

Bə İrib raporti əsos vite hissədə İroni iflicə varzışkaron muvəffəğ bıən de tojə rekordi ım bəxşədə ğəhrəman bıbun və ğızıl nışonəon kəsb bıkən, ım hənəkonədə Tırkiyə və Azərbaycan Respublika 2 minə və 3 minə vırəşon kəsb kardə.

Dəçıke rəğabətonədə həm 57 minə vəznədə Meysəm Nəsiri Azərbaycan Respublikaku Maqmıd Muslimovi bardışe və ım baxşədə ğızıl nışonəş sohib bıə.

Ğeyd kəmon ki Bukoədə islamiyə kişvəron hənəkonədə İroni kərvon detosə bə ısət 70 qılə midali kəsbış kardə( 19 qılə qızıl, 22 qılə nığə və 29 qılə bırınc) və reytinqədə 3 minə vırəş kəsb kardə.

İslamiyə kişvəron miyono həmrayəti 4 minə dıvrə hənəkon de 54 qılə kişvəronku varzışkaron huzur Bukoədə bərpo bıə ijən detos Mayə manqi 22 dəvomış heste.

İroni varzışiyə kərvonədə 127 qılə mırdə varzışkor ijən 31 qılə xanımə varzışkor iştirokışon kardə.