Az. R-ədə bə İroni prezidentə entexabati diğğət

İron İslamə Respublika şəhrıvandon 12-minə kərə boştə devləti prezident vıjnidən. Im əlamətdarə hadisə çe Az.R əhaliən diğğəti mərkəzəde. "Nuraz.com" sayt de ım entexabati əlağədar nıvıştedə ki, İslam İnğilabi bəpeştə İronədə 40 kərə referendum dəvardə, ım tədbiron həmə xalğı de devləti rəhbəriyyəti bardə siyasəti həmfikir bıe, bey dastəq doe bə dınyo ictimaiyyəti numayiş kardəşe.

 İİR idarə sistem xalqi sosial rifah və firəvanəti təmin kardə iğtisadi təməli səpe bərğərare. İyo Prezidenti hartərəfinə səlahiyyəton hestışe, əv həmən çe Konstitusiya qarante. Bə prezidentəti namizədon həmə iştə nəzəri bə əvıjnon rosnie ro bə eyni imkanon malikin, eyni dərəcədə Universiteton, məçiton, stadionon, KİV imkanonədə istifadə kardedən. İroni 59 milyon şəhrvandi sədo huğuğ hestışe. Proqnoz jıqoe ki, çəvon 70% entexabatədə iştirak bəkarden . Imən İronədə xalqi siyasi fəaliyyəti barzə səviyyədə be nişon dodə.

Xəliçe Farsi bəzi devlətonədə entexabaton mevcud nıbe, məmləkəti de miyonə əsron feodalizmə usuli idarə karde şəraitədə İroni İslami İnğilabi bino noə devlətə soxtemon bo mısılmonə xalqon muasir jimoni qıley numunəy və mutərəqqi əhvolinə cəmiyyəton tərəfo həmişə musbətə ğıymət sedə.

İslami inğilabi yolə rəhbər həzrət ayətullah Əl-uzma Xamenei ım vıjnımon  islamiyyəti demokıratiya fikron bə dınyo nışon doe ro muhum zınəşe və votəşe ki, İroni millət cumə ruji sənibəton ım  fikri çe dınyo çəşon vədə ğəror bədo. Hiç şək ni ki, İroni cəmiyyət bı entexabatədən de ıştə Yolə rəhbəri həmrayəti numayiş  bəkarde, bə 5 sorinə muddət ən layığinə şəxsi boştə Rəise-cumhur bəvıjnie.