Bə İŞİD vabəstə bə azəriyə şəhrvand turkiyədə dəstqir be.

Azərbaycan Respublika qıləy şəhrvand ki bə İŞİD terroristiyə qrupi vabəstə be Turkiyə məmləkətdə dəstqir bə.

Bə Apa aqentəti xəbon əsosi Ankara şəhri  Etimesgut nomo bıə məntəğədə Azərbaycan Respublika qıləy şəhrvand polisi tərəfo dəstqir bedə.

bə rəsə xəbon əsosi Azərbaycan Respublika ıç şəhrvandi dəstqir kardeəndə Turkiyə ım şəhrədə qıləy terroristiyə əməliyati və qətə bə.

bə ım xəbə əsosi həmçinin Ankara əmniyyətiyə ğıvvon əməliyatdə bə qıləy silahlinə qrupi zid ki ım şəhrədə təxribatinə əməliyati domoədə bən 4 nəfər dəstqir bən ki hələ çəvon həxədə heç qıləy məlumat nəşr bə ni.

Suriyə bıhroni əvvəliku miyonə asiya və ğəfğazı məmləkəton şəhrvandonku çandə həzo nəfər Suriyə və iraği məmləkətdə bə terroristiyə qrupon cəzb bən və xəyli bəvonku de Suriyə hərbiyə ğıvvon daveədə bə həlokət rəsən.