İslamiyə məmləkəton həmrəyəti varzışiyə musabığəon 4 minnə devrə bə oxo rəsə.

İslamiyə məmləkəton həmrəyəti hənəkon 4 minnə devrə ixtitamiyə( bə oxo rəse) mərasim zinə şanqo Azərbaycan Respublika paytəxt Boku olempik varzışqahədə bərpo be.

Bə İRNA xəbon əsosi ım mərasimi əvvələdə ım devrədə iştirak əkə məmləkəton pərçəm  hozzı bə məmləkəton varzışkaron huzurədə mincumlə İron İslam Respublika varzışiyə karivan Boku olempik varzışqahədə noə be.

ixtitamiyə ya musabığə bə oxo rosne mərasimədə həmçinin elan be 2021 minnə sori islamiyə məmləkəton həmrəyəti hənəkon 5 nə devrə İstanbul şəhrədə bərpo bəbe və həminə məsələ xoto ım hənəkon pərçəm bə Turkiyə varzışi vəziri muavin təğdim be.

islamiyə məmləkəton həmrəyəti hənəkon 4 minnə devrə 54 qılə islamiyə məmləkəti varzışkari huzuri 22 qılə varzışiyə baxşədə mayə manqi 12 minnə rujiku Azərbaycan Respublika paytəxtdə  təşkil və zinə şanqo bə oxo rəsə.

ironi varzışiyə karivan 127 qılə merdə varzışkar və 31 jenə varzışkari iştirak kardeədə 20 qılə varzışiyə baxşədə islamiyə məmləkəton həmrəyəti hənəkon  4 minnə devrədə huzurışon hest bı.

İron İslam Respublika varzışiyə karivan bokuədə islamiyə məmləkəton hənəkon 4 minnə devrədə de 98 qılə medal yəni 39 qılə tele(ğızıl) 26 qılə nığə və 33 qılə bırınç Azərbaycan Respublika və Turkiyə bəpeştə 3 minnə vırəş qəte.