Tırkiyə iclosi cərəyonədə Ğərəboği həl karde barədə mıbohisəon.

Tırkiyə prezident İstambolədə iyən siyohə dıyo hamsoyə kişvəron nomo bıə iclosi cərəyonədə Ermənistoni xarıi vəziri sıxənonku tənğidış kardə.

Bə İsna raporti əsos Rəcəb Təyyeb Ərdoğan ki həmonə iclosi rəis be çı Asot Həvokimiyani siyasiyə sıxənon Ğərəboği bohrani barədə tənğidış karde və votışe: ım iclosədə hiç kəs siyasiyə vindemonış ni.

Ərdoğan bə Ğərəboği bohran işorəş kardə və votışe: ım bohrani həl əkə tərəf çı Minsk qrupi rəsmionin ijən əqə həl bıbu bo həmmə tərəfonro çokə manafe və xəyron boyis bəbe.

Ğeyd kəmon ki çın iclosi bino karde faxtədə ki 800 qılə uzv və nazirə heyəton əyo huzurışon be çı Ermənistoni xarıci muavin elanış karde ki ım iclosədə siyasiyə ittihamon bəyon kardero vırə ni.

Və hol ım ki çımiku bə nav çı Azərbaycan Respublika parlamenti sədr votış be ki məntəğədə bəzi kişvəron hələ ıştə zəhrinə ideoloqiyaonku dast kəşəşon ni.

Ermənistoni rəsmion vindemoniku jıqonə sıxənonku hədəf həmonə Ermənistoni kişvər be.