Masəluədə Şeyx Sərdari məhkəmə bino bıə

Mayə manqi 19-minə ruji Masəlu rayoni məhkəmədə Azərbaycani Ruhanion Məclisi uzv, "Maide.az" sayti redaktor Şeyx Sərdar Hacıhəsənli məhkəmə bino bıə. De ım hadisə əlağədar Masalu polis şebə həmkaron bə şəhər omə roon və məhkəmə bina ətrof bə nəzarət peqətəşone.

Şeyx Sərdari məhkəmədə iştirak karde ro omə təəssubkeşon çe məhkəmə binaku diəro eğandəşone, bə hiç kəsi video kəşe imkan doəşon ni. "İslamın səsi" sayti redaktor Xəyal Şukurşon bə polis şebə bardə, çey kəşə video doəşone mole, çəyo vadoəşone. "Vətən uğrunda" sayt bə "Maidə.az"i istinadən xəbə dodə ki,   Bəhruz, Tural, Fuad və Elimxan nominə dindaron polison dəstqir kardəşone, bə polis şebə bardəşone. De məhkəmə zalədə bo 10 nəfəri vırə be vonə polison bə əhali məhkəmə iclasədə iştirak karde imkan doəşon ni.

Məhkəmədə Haci Sərdari vəkilon çand qılə vəsadət bə nav doəşone, əmo hakimi əvon təmin kardəş ni. Çəyo Şeyx Sərdari ıştəni votemon kardəşe. Votəşe ki, əhali 90% mısılmon bıə məmləkətədə cumə nomoji səpe məhdidiyyət noe ,  islami molyəton təhdid və təhğir kardeye. Ey həmən hakimiku xəbə səşe ki, "əqər az boştə moə meyitə nomoj və ya buməlarzə qıniədə ayətə nomoj bıvotım, jəqo şımə bı səbəbən bəpe mıni bə zindon dənoyon? Şımə ğanunon nağisin, çey tətbiğən ğeyri-məntiğine".

Vəkilon məhkəmə orəxədə həniən vəsadəton ros kardışone, əmo hakimi əvonşən təmin kardəni. Məhkəmə peşonə iclas may 25-ədə saat 11-ədə dəbəvarde.