Az.R -ədə dəvo ticarət çe ki inhisarəde.

Isət çe Az.R dəvo ticarətədə jıqo qıley vəziyyət bə əməl omə ki, əhaliku bə Respublika aptekonədə həvatə dəvon etibo mandəni, çe İron və Turkiyəku dəvo varde səy kardedən. Həmə votedən ki, daxili vıjori dəvoə pereparaton nəinki mualicə təsirirşon kame, hətto bəzən əks təsir nişon dodən. "Sonolay.orq"i "GundemXeber" sayti bardə tədğiğati həxədə nıvıştəşe.

Məlum bıə ki, Respublikadə mevcud aptekon 80% belisenziya fəaliyyət nişon dodən. De dəvo ticarəti 2 qılə şirkət məşğul bedə. Belisenziyaninə aptekon əsasən çe "Avromed"i himayə jitono ko kardedən. İm şirkətən de deputat Cavanşir Feyziyevi dastəqi soxtə bıə. De ğanuni aptekon daxili sahə bəpe 38 kvadrat metrisən kam nıbo. Əmo "Avromed"i Boku şəhəri aptekon əksəriyyət bı tələbi əməl kardəşon ni.

Respublikadə aptekon koədə əsas bəlo çəvon de soxtə dəvocaton ticarəti məşğul beye. Im 2 qılə monopolist şirkəton bə Respublika idxal kardə dəvo pereparaton əksəriyyəti təpkib bə tibbi reseptura muvafiğ ni. Im curə dəvoon əsasən çe Rusiya Dağıstani Respublikaku vardedən. Çəvrey dəvoə sexon de Belorusiya lisenziya ko kardedən. Azərbaycanıjə dəllalon bə ım sexon doə rışvə muqabilədə çe dəvoə həbon həcmi bə kam , çey tərkibi bohoə kimyəvi maddon əvəz kardedən ki, əvoni de erjonə ğiyməti sedən, bə həmonə dəvoon orjinali ğıymət həvatedən. Im maxinasiya nəticə əv bedə ki, çəvon vardə həmonə pereparaton müalicəvi effektış bedəni.

Respublika Səhiyyə Vəzarət bənə bə əhali saleməti cəvobdeh qıley devlətə təsisati bə dəvoə ticarəti və aptekon fəaliyyəti nəzarət kardənine. Əmo ım Sayti bardə tədğiğati nəticə nişon dodə ki, ticarəti ım sahə çe mafiya dastəde, Səhiyyə Vəzarəti bey nəzarət karde inkan tamam çe dasto vadoəşe.