Bə Rusiyə xolçe sadir karde rohət bəbe.

İroni xolçe milliyə mərkəzi rəis Həmid Karqər və Rusiyə ticarət həmkari şura rəis Veladimier Obidnov bə Rusiyə xolçe sadir karde prosesi rohət kardero de yande muzakirəşon kardə.

Bə İrib raporti əsos ım mıloğatədə Veladimier Obidnov bə Rusiyə milləti meyl və həvəson çı İroni dastiyə xolçəku istifodə kardeku xəbəş do və votışe: səy bəkamon ki çı İroni Xolçeon nımoyeşqo və Moskvaədə oj bıbu.

Əv omidvar mandə ki Oktiyabr ya Dkaberədə Rusiyədə çı İroni xolçəon i minə nımoyeşqo bərpo bıbu.

Həmid Karqər həm ım iclosədə bə qumrokiyə problemon və bo xolçe sadir əkəyon və tacironro çandə məhdudiyəton bey işorəş kardə və əvoni çı Rusiyədə İroni xolçəon kam eksport bey amil zınəş be.

İroni xolçə milləti mərkəzi rəis ijən de İronədə Rusiyə ticarət mıvzoon nımuyəndə iyən iğtisodiyə hissə muavin mıloğat və votımon kardə.

Ğeyd kəmon ki çı İroni dastiyə xolçə sadir kardeku har sor bə 400 milyon dollar nızi faydon aid kardedə.