Qəncə Devlətə Universitetədə mıştədave

Qəncə Devlətə Universiteti fizika fakultədə di qılə muəllimi arədə çanqbəyəxə dave eqıniə. Bi barədə "Aztoday.az" sayti bə "Xalqxəbər.az"i istinadən xəbə doəşe.

Im universiteti rektor Yusif Yusibove. Fizika fakultə dekan Muğan Ğuliyevi bə çey vırə təyin be pidəşe. Bımiyo çokə imkanşən heste. Çunki çey qıley nezə odəm Prezidenti Adminstrasiyadə ko kardedə və ey rektor təyin karde ro bey komək karde bə qiy qətəşe. Universiteti çand qılə professori bə Prezidenti çe Yusif Yusibovi həxədə şikayətə məktubşonən vığandə. Çe Muğan Ğuliyevi sənədon bə prezidenti təğdim bə.

Əmo çe Yusibovi odəmon təslim be fikirədə nin. Fizika fakultə dekani, yəni çe Muğan muəllimi muavin Elxan İsmayılov çe rektor Yusif muəllimi tərəfədey. Əv Muğan muəllimi çe hurməti ğande ro  fakultə koridorədə dey hoçbəhoç bə, bə i mışt əvış şeverd kardə.

Bə ım hadisə Təhsil Vəzarəti və Prezident Adminstrasiyaku hələ ki,   hiç qıley reaksiya oməni.

Ponə sori Azərbaycani Milliə Elmon Akademiya alimon arədən ım curə beaburinə hərəkət vağe bıəbe. Dı kəs de yəndı bə mıştədave beşəbin, yəndı bək-bukə dərıjniəşonbe. Bəvədən hokuməti muvafiğ orğanon bə alimon ım nalayığə hərəkəti lazımi reaksiya nıdoşone.