Azərbaycan Respublika və Rusiyə sardə əlağon dəvom.

Yenimusavat rujnamə internetiyə mərkəzi nıvıştışe rusiyədə bıə azərion kanqıresi ləğv karde Rusiyə və Azərbaycan Respublika əlağon sard be zaheriyə nışonəonkuy.

Yenimusavat rujnamə həmçinin nıvıştışe Rusiyə president Veladimir Potin Azərbaycan Respublika bə avrasiya ixtisadiyə itifaği əlavə be domoədəy əmmo çandə sorone ki Rusiyə ım fəaliyyəton bə nəticə rəsə ni.

ım rujnamə əlavəş karde Boku əsosə fikron həm ım məsələ vədə oşko heste.harçiku bə nav bəpe heç nıbo Azərbaycan Respublika ərazi qıləy baxş ermənistanı  işğaliku ozod bıbo əmmo maskva bə ım muvzo heç qıləy meylış ni.

Yenimusavat Azərbaycan Respublika devlətiku Rusiyə norohət be dəlilomku qıleni çı məmləkəti mutəmadiyə fəaliyyəton ıştə hərbiyə ğıvvə zuman kardeyu və çəy hərbiyə həmkarəti de Nato və Turkiyə iyən Qurcistane.

Yenimusavat Boku və Maskva mınosibəton sard be coqlə dəlilış Rusiyə noroziyəti və Avrupa qazi ovıştıne plan yəni cənubi qaz planiku iborətış zınə.