Boku hokumət de rışvəxorəti mubarizə ro tojə Devlətə Proqram ğəbul bəkarde

"Modern.az" sayt xəbə dodə ki, Az.R-ədə biznes muhiti, həmən beynəlxalqə reytinqonədə Respublika mevğe çok karde ro hokuməti bə rışvəxorəti və korrupsiya əleyh qıley Devlətə Proqram hozo karde nəzərədə qətəşe.

Bı çandə soron Az.R -ədə ım mevzuədə xeyli ğanunon ğəbul bıən, Komissiyon soxtəşone, iclason dəvuniəşone, Prezidenti bə əhali muraciəton kardəşe. Əmo məmləkətədə məmuron rışvəxorəti tikiən vey bıə. Həmən əvon nəinku bə əhali rışvəxoron barədə doə şikayəti diə kardedənin, bəzən əvoni hətto muhakimən kardedən. Məsələn, Boku Devlətə Universiyeti qıley tələbə çe İlahiyyat fakultə dekani muavini rışvəxorəti həxədə bə devləti muxtəlif əlağədar orqanon, hətto bə Mehriban Əliyeva şikayət kardışbe. Əmo ım şikayəton nəticə əv bə ki, ısət həmonə tələbəşon bə məhkəmə doə, əv de 3 sornə zindonə cəzo təhdidi vəbəvəy.

Bə ımi manəndə qıley hadisən Lankonədə vağeə bıə. İ kəs muəllim Lankoni İcra Hakimiyyəti sərdari rışvəxorəti barədə xeyli şikayət məktubon nıvıştedə və bə hokuməti muxtəlif orqanon vığandedə. Çey təşəbbusi nəticə ım bedə ki, ey dodən bə məhkəmə. Əv 1 soriku tosə 3 sori  zindonə cəzo məhkum be bəzne.

 Im Devlətə Proqrami taleyən bənə navonə tədbiron besəmər mande hiç kəskiku şubhə bə əməl vardedəni.