Boku və tehroni miyonədə ğeyre neftiyə ticarət 75 faiz inkişafış kardə.
İronədə bə Axərbaycan Respublika səfir Bonyad Huseynov bə 2 qılə məmləkəti ticariyə həmkarətion inkişafinə şərayeti işarəş karde və votışe: dəvardə 4 sori muddətdə Azərbaycan Respublika və ironi ğeyre neftiyə ticarət 75 faiz inkişafış bə.
Bonyad Huseynov zinə ironi şimal ğərb şərğiyə azərbaycani ostandar İsmail Cəbbarzadə vindımonədə əlavəş karde Azərbaycan Respublika de İron İslam Respublika ğeyre neftiyə ticarəti ve be qıləy holədəy ki Boku ticariyə həmkarəti coqlə hamsoyə məmləkətonədə dəvardə 4 sori muddətdə kam bə.
Bonyad Huseynov həmçinin işarəş karde Azərbaycan Respublika millət bə ironi həkimon iyən dəmonon bovəşon heste və əlavəş karde ha manq 1 milyon nəfər Azərbaycan Respublika şəhrvandonku bə İron səfər kardən.
ironədə bə Azərbaycan Respublika səfiri əlavəş karde dəvardə sori 5 həzo kamaz 2 qılə məmləkəti miyonədə vəsilonışon ovıştıniyə ki ım rəğəm ısət sorədə bə 15 həzo kamaz rəsə.
Bonyad Huseyov işarəş karde ki təbrızı vojor qıləy beynəlxalğ və tarixiyə vojore və ıştə sıxanon dəvomədə əlavəş karde Azərbaycan Respublika de təbriziyə taciron ixtisadi və ticariyə əlağon inkişaf doeyu iyən bokuədə təbrizı vojori icod kardeyu hozzıy
