De Ğuds muvzo əlağədar Azərbaycan Respublika yolə ənıvıştonku təşəkkur be.
Azərbaycan Respublika ənıvıştonku qıləy qrup de Ğuds beynəlxalğə ruji mınosibəti "ğudsı həğiğət həmmə zəmonon və məkanonədə" nomo bə iclosi bərpo kardeədə har qılə işğalqərəti məhkum kardeədə fələstinı məzlumə millətiku ıştə tərəfdarətişon elan karde.
Boku şəhriku bə telerədyo aqentəti zinə xəbon əsosi ım iclosədə nıvışte sahədə fəaliyyətkardəkəson həmçinin siyasiyə fəalonku qıləy cəm ğudsı ruji əhəmmiyyətiku yod kardeədə islam dınyo vəziyyəti barədə qəpışon jə və mıslmonon vəhdətışon de işğalqərəti mubarizə və islam dınyo mıxtəlif məntəğonədə zolımon zılmi vədə mandeşon tələb karde.
həminə iclosədə həmçinin de ğudsı muvzo əlağədar zumandə məğalə ənıvıştonku de cur bə curə hədiyəon təşəkkur be.
Azərbaycan Respublika Ğələm Ənıvışton nomo bə təşkilati rəis Ğurban Cəbrəil votışe: məxsus bə ğuds rujı aid məğalə nıvışte musabığəyu 40 qılə vığandə bə məğaləonku 3 qılə məğalə bənə zumandə məğalə vıjniyə bin və ım iclosədə çəvon nıvıştəkəsonku təşəkkur be.
