Mədəniyə həmkarətion inkişaf doeyu İron və Azərbaycan Respublika işarə.
İron və Azərbaycan Respublika mədəniyyət vəziron mıxtəlif baxşonədə bə mədəni və hınə mıştərəkə həmkarətion inkişafi işarəşon karde.
Bə İRNA xəbon əsosi ironi mədəniyyət və islamiyə irşad vəzir zinə tehronədə Azərbaycan Respublika mədəniyyət vəzir Əbulfəzl Ğarayevi vindımonədə votışe:İron de Azərbaycan Respublika dust və mıslmonə məmləkəti ğədimiy və zumandə rabitə iyən tarixi və mədəni cəhətdə nığılə əlağəş bə və həmmə cəhətdə ironi islamiyə inğilabi bəpeştə 2 qılə devləti miyonədə mədəniyə əlağon baxşədə 30 qıləsə ve mədəniyə sənədon imza bən.
seyd Rıza Salehi Əmiri həmçinin ım vindımonədə de ironi mədəniyyət və islamiyə irşad vəzorətxonə həmkarəti ironədə Azərbaycan Respublika mədəniyə haftə bərpo kardeku xəbəş do.
ironi mədəniyyət və islamiyə irşad vəzir həmçinin vədəniyə haftəon mərasimon bərpo kardeş həmmə cəhətonədə 2 qılə məmləkəti əlağon inkişaf doeyu mısbətış zınə.
Azərbaycan Respublika mədəniyyət və turizm vəzir həm ironi mədəniyyət və islamiyə irşad vəziri dəvətiku təşəkkurış karde və de İron İslam Respublika əlağon və həmkarətionış əla zınə.
Əbəlzəfl Ğarayev ironədə bə Azərbaycan Respublika mədəniyə haftə mərasimi bərpo karde işarəş karde və tehronədə ım yolə mədəni iyən hınəinə mərasimi əzəmətin bərpo kardeyu ironi tərəfdarətion iyən fəaliyyətonku təşəkkurış karde.
