Azərbaycan Respublika mədəniyyət vəzir Şeyx Səfiəddin Ərdəbili tarixiyə əsəriku vindımonış ka.

Azərbaycan Respublika mədəniyyət vəzir tarixiyə əsəron hifz karde iyən bəvonku muğət be xoto İron İslam Respublika xususiyə diğğətonku təşəkkurış karde.

Bə İRNA xəbon əsosi Azərbaycan Respublika mədəniyyət və turizm vəzir Əbəlfəzl Ğarayev zinə ironi şimal ğərb Ardəvil şəhrədə Şeyx Səfiəddin Ərdəbili tarixiyə binaku vindımonış karde və işarəş karde Şeyx Səfiəddin Azərbaycan Respublika milləti tono veyə ehtıromış heste və çəy ğəv qıləy tarixiyə sənəde.

Azərbaycan Respublika mədəniyyət vəziri əlavəş karde Şeyx Səfiəddin Ərdəbili ğəvi hifz karde iyən çəyku muğət be omə nəsliyu zəruriy.

Ardəvil ostani mədəniyə erson turizm iyən nəcimə sənaye idarə rəis həm ım vindımonədə votışe: Şeyx Səfiəddin Ərdəbili ğəv iyən çəy ətrofədə bə əsəron qıləy tarixiyə əsəre və UNESCO təşkilatdə həm ğeyd bə və ha sor çandə həzo xariciyə turist mincumlə Azərbaycan Respublika şəhrvandonku çəy vindeyu bə ardəvil omedən.