İron və Azərbaycan Respublika 2 tərəfiyə əloğəon barədə zərfiyəton.

Bokuədə İroni səfir bo 2 tərəfiyə həmkarionro bə İron və Azərbaycan Respublika miyono zərfiyətonku çok istifodə karde təkidış kardə.

Bə İrna raporti əsos, Bokuədə İroni səfir Cəvad Cəhangirzadə de Təbrizi mer Sadiğ Nəcəfi mıloğat karde Təbrizi bənə İslamiyə kişvəron turizm nımunə şəhri vıjniye işorəş kardə ijən ımi vey çokə hadisə hisob karde votşe: de Azərbaycan Respublika əloğəon inkişof doero Bokuədə İroni səforətxonə ım muhimmə zərfiyət iyən imkanatonku istifodə bəkay.

Sadiğ Nəcəfi hə həminə mıloğotədə İron və Azərbaycan Respublika miyono əloğəon zumand kardero Təbriz şəhri hozzo mandeku xəbəş do iyən votşe: ım erjinə zərfiyət, çı Təbrizi turistiyə muhimmə imtiyazonku iborəte.

Nəcəfi bokuədə çı Təbriz hınə-mədəniyə kə bino karde zəminəon barədə votşe: Təbrizi de Boku və Qəncə hovəti elan bey qıləy muhimmə zərfiyəte ki de cur bə curə mədəni, nəcimə sənaye və turizm sahədə bıə fəalə ğurupon huzuri bəbe bo omə həmkarionro çokə koon bois bıbu.

De İslamiyə Kişvəron Həmkari Təşkilati təklifi və 2015-nə soriku İslami kişvəron miyono turizm nımunə şəhr vıjniyə bedə.

Bo 2018-nə soriro Təbriz çı İslamiyə kişvəron turizm nımunə şəhr vıjniyə bıə.