Az.R bə "nısoə iğtisadiyyati" həcmi qorə dınyoədə iminə vırə qətedə

İğtisadi jimonədə "nısoə iğtisadiyyat" ifadə heste ki, əv çe devləti nəzarəti və hisobiku bə kəno, niyoə iğtisadi fəaliyyəti nəzərədə qətedə. Jıqo muəssison çe devləti ğeydiyyatiku dənıvarde səbəbiku bə budcə verqiən avjor kardedənin.

"Azadlıq.info" sayti bı barədə beynəlxalq təşkilaton hesabati nəticon dərc kardəşe. Bə hesabatədə Az.R iminə vırə qətedə. Əyo nişon doə bedə ki, çey 2016-minə sori Umum Daxili Məhsuli 67%  bə "nısoə iğtisadiyyati" mənsub bıə. Im siyahiədə 2-minə vırə de 48% -i Niqeriya, 3-minə vırə de 46% - Ukrayna qətedə. Imən məlume ki, ponə sori Az.R UDM 60 milyard mənot bıə. De ım tədğiğati oşko bedə ki, çey təğribən 40 milyard mənot məbləğədə məhsuli bə büdcə xeyir vardəş ni, devləti xəzinə çimi nəticədə çand milyard mənot mədaxiliku məhrum bıə.

Respublika iştisadiyyatədə jıqo vəziyyət cey kom dərəcədə i qılə toyfə monopoliyadə be nişon dodə. Im həmən subute ki, Az.R i qılə "nısoə iğtisadiyyat"ədə ne, həmən monopolizmi səviyyədə dınyoədə iminə vırəde, hakimiyyəti i qılə toyfə tərəfo bəştə inhisar dənoədə dınyoədə bərobərış ni.

Məmləkəti iştisadiyyatədə jıqo ğeyri-salem vəziyyəti səbəbe ki, bə Respublika bo istehlaki ro lozim bıə ərzaği 50% çe xarico vardə bedə. Ərzağ məhsulon istehsalədə Az.R çe postsovet devləton arədə orəxnə vıronədə ğəror qətedə.