Minsk qrupiku Azərbaycan Respublika təkrariyə tənğidon.
Azərbaycan Respublika prezident aparati rəis Minsk qrupi zəifə fəaliyyətonku tənğidış karde.
Bə APA xəbon əsosi Ramiz Məhdiyev ımruj votışe: ımsornə sori aprelə manqədə təşkil bə davron bəpeştə Minsk qrupi tərəfiku şərayeti əvəz kardeyu iyən bə çokə şərayeton rəseyu heç qılə fəaliyyət təşkil bəni.və yeqanə xəbə ki əvəz bəy çı qrupi fəaliyyəton dəvom pəydo karde xəbə bəy.
Ramiz Məhdiyev həmçinin işarəş karde aprelə manqədə erməni azəri daveon bəpeştə Azərbaycan Respublika və ermənistanı prezidenton miyonədə muzakiron həm bə nəticə rəsə ni və ıştə sıxanon dəvomədə əlavəş karde hər çənd beynəlxalğə təşkilaton Ğərəbaği problemon həl kardeyu meyl nışon dodən əmmo ım munağişə de ədalətinə ro həl karde barədə heş qılə qarant ni bə ım munağişə tale na məlome.