Nəxçivanədə İroni şikil nımoyişqo bərpo bıə.

Nəxçivan Respublikaədə İroni muasirə mədəniyə şəxsiyəton şikil nımoyişqo bərpo bıə.

Bə İrna raporti əsos ım nımoyişqo oxonə ruji mərasimonədə İroni islamiyə şura məclesi mədəniyə kamissiya bəzi rəsmion, İroni sərkonsul və Nəxçivan Respublika nəğğoşon i bemoni sədr iştirokışon kardə.

Mərasimədə çı İroni məclesi mədəniyə kamissiya sədr Cəmşid Cəfərpur votışe: jıqo nımoyişqohon dəvoniyə çı Nəxçivani millət və rəsmion miyono hınə əhəmmiyəti əlomətdore ijən nışo doyə ki hınə çanədə karde bəzne bo 2 tərəfiyə həmkarion xoto çokə zəminəş bıbu.

Nəxçivan Respublika nəğğoşon i bemoni moavin "Nizami Əliyev" həm ım iclosdə jıqonə nımoyişqohon əhəmmiyəti barədə votışe: jıqo bərnoməon vey çı Nəxçivani ostadon, cıvonon və  mədəniyyət xıvand bıə cəmaəti diğğəti bəştə tərəf cəlbış kardə.

Əv əlovəş kardə: Nəxçivan moxar Respublika cəmaətiku veyni de İroni mədəni və mənəviyə ədəbi, elmi, nəcimə sənaye və hınə şəxsiyət və əsəron oşnoin.

Ğeyd kəmon ki Ardevil və İroni Azərbaycan ostanonku hınə sohibon şikil mədəniyə nımoyişqo 4 ruji bəpeştə ımruj sə bıə.