Abşeronədə "Əli ğədəmqah" nominə ocəğ dəbastışone

Abşeroni Zığ ğəsəbədə "Əil ğədəmqah" nomədə qıley ğədimə ziyarətqah heste. Əv devləti tərəfo 2002-minə sorədə rəsmən bə ğeydiyyat səşonbe.

"İslamazəri" sayt bə "Report"i istinadən xəbə dodə ki, ocəği təsis kardəkəson iyuli 14-ədə qırdə bən, qıley iclas dəvuniəşone və bə ğəror omən ki, ım muğəddəsə vırə ğeydiyyati ləğv bıkon. İm hərəkəti barədə nə Boku devlətə rəsmiyon, nəən dini təşkilaton ıştə munasibət bəyon kardəşon ni. Bəzi mustəğil fikirinə din xadimon ım hərəkəti çe hokuməti tərəfo bardə antişiə siyasəti dəvom hisob kardedən.

"Maidə.az" saytiən xəbə dodə ki, Turkiyə Daxili Koon Vəzarəti ıştə bə İŞİD-i  əleyh bardə mubarizə barədə hesabat elan kardəşe. Əyo votə bedə ki, 2014-minə soriku tosə ısət de terroriston əlağədə ehtimal bıə 17 həzo 500 nəfər əcnəbi bə Turkiyə daxil be və səşone, 4550 nəfər isə çe məmləkəto deportasiya kardəşone. Həmonə odəmon arədə Az.R şəhrıvandonən hestin. Im curə odəmon miğdarədə Azərbaycan 9-minə və 6-minə vıronədə ğəror qətəşe. Yəni ki, azərbajçanıjon bə Turkiyə vadoə nıbəkəson miğdar 1677 nəfər,  deportasiya bıəkəson miğdar isə 252 nəfər bıən.

Bənə Az.R qıley qədə məmləkətədə ım ğədər odəmi bə terrorizmi meyil karde Əliyevi hokuməti bardə siyasəti çanədə səhv be nişon dodə.