Taleh Bağırzadə bə kars dənoəşone

İyuli 20 -minə ruji Boku Apellyasiya Məhkəmədə Nardarani hadisə məhbuson i qrupi şikayəti təhğiğ kardə iclasədə mərəşulə eqıniəbe. Hakimi çe məhbuson huğuğon darışte, bəvon ıştə şikayəti vote imkan nıdoe səbəbiku məhbuson ıştə lınqəğabon bə ovə butılkon bey qandəşonbe.

Taleh Bağırzadə ğohımon bə "azadlıq.org" sayti votəşone ki, həmonə rujiku Talehşon bə kars dənoə. Çey maşkinə ruji həmonə məhbusonədə 3 kəs - Fuad Ğəhrəmanli, Abbas Huseynov və Əli Nuriyevən bə jıqo cəzo məruz mandən. Zindoni rəisi bə məhbuson doə ım cəzo muddət və səbəbi həxədə hiç çi votəş ni. Respublika Penitensiar Xidmətiən bə jurnalisti parson cəvob doəş ni. Ehtimal heste ki,  məhbuson hissə-hissə ım curə cəzo bısənon.  Huğuğşunas Samirə Ağayeva votedə ki, zindoni rəhbəriyyəti ım hərəkət bə Avropa Penitensiar Xidməti Ğaydon ziddin. Im  rəhbəriyyəti məhkəmə qardışədə vağeə bıə əməlon qorə bə məhbuson cəzo doe ixtiyar nişe.

"Report" saytiən orəxnə 6 sorədə Az.R -ədə bə dınyo omə korpon noə ən veyə nomon siyahi dərc kardəşe.  İm 6 sori har sorədə bə zoə fərzəndon ən vey Yusif, Əli, Huseyn, Məhəmməd, bə kinə fərzəndon ən vey Zəhra, Nuray, Fatimə, Ayan, Zeynəb nomon noəşone.

"Vətən uğrunda" sayti çe "Gallup İnternational" sosioloji mərkəzi tədğiğaton nəticə dərc kardəşe. Az.R -ədə respondenton 34 % ıştən dindar hisob kardəşone. Hərçənd ki, ım rəğəm Turkiyədə 79, İronədə 83, Rusiyadə 70, Qurcistan və Ermənistanədə 93 % bıə.