Az.R -ədə ğida əmniyyəti problem

İmsornə fevralə manqədə prezident İlham Əliyevi Respublikadə "Ğida Əmniyyətə Aqentiyyət" nomədə qıley təşkilat soxte barədə fərman doşe. İm, məmləkətədə əhali de keyfiyyətinə ərzağə məhsuli təmin karde, zərərinə ərzaği bə respublika vıjoron daxil bıe vəy se poədə əməli nəzarət mexanizmi bə meydon vardənine.

De ım vəzifə əlağədar Azad İstehlakçion İbemoni sədr Eyyub Huseynovi bə "Amerika sədo" radio musahibədə votəşe ki, Respublikadə de əhali ğida əmniyyəti əlağədar ciddiə problemon hestin. Bı barədə tosə ısət hiç qıley ğanun ğəbul kardə bıə ni. Məmləkətədə ım problemi mevcud be Prezidentış məcbur kardə ki, həmonə Aqentiyyəti onoe dair bə ğəror bo. KİV daima xəbə dodən ki, məmləkətədə mırdol bıə heyvonon ğujdi həvatedən. Mağaza və marketonədə kanə, istifadə muddətış orəxə ərzağə məhsulon həvate nəticədə əhali arədə zəhrəlud bə fakton şe-şe ziyod bedə. Vıjoronədə moy ticarətən bərbad vəziyyətəde. Bənə Kasipi dıyo kənədə ğəror qətə məmləkətədə əhali de moyə məmulati təminat  kritik qıley həddəde. Çey ticarəti bə səhmon eğande, sanitar qiqiyena tələbon əyo tətbiğ karde lozime.

Huseynovi həmən ğeyd kardəşe ki, çəmə dionədə istehsal bıə mivə tərəvəz məhsulonən bə dınyo standarti tələbon səviyyə ros karde lozime. Vaxt hestbe Avropa İttifaği layihə əsasədə bımi ro xeyli təşəbbuson bin, əmo problemon tam həll karde mumkun nıbe. Ğida Əmniyyətə Agentiyyəti vəzifonədə qıleyən ım problemi çe arə bardeye.

 Prezidenti fərmaniku 5 manq dəvardə, əmo həmonə təşkilati fəaliyyətiku hələ ki, hiç qıley xəbə ni.