De Qulən təşkilati bəhonə i nəfər Azərbaycan Respublikaədə dəstqir bıə.

Azərbaycan Respublikaədə i qılə məşhur mıxolif Faiğ Əmirov de Qulən təşkilati həmkari karde bəhonəon dəstqir bıə.

Əmirovi vəkil elanış kardə ki çəy muvəkkil Azərbaycan Respublika Xalığ Cəhbədə qıləy koəkəyone ki bə 3 sor və 3 manq həbs məhkum bıə.

Əv jıqonə ittihamonış siyasi hisobış kardə ki çəy hədəf mıxolifə qrupon məhv karde heste.

Əmirov i manq çımiku bənav dəstqir bıə ijən hukuməti məmuron elanışon kardə ki çəy maşinədə bə Qulən təşkilati vabəstə bıə kitobon peydo kardəşone.

Faiğ Əmirov çı Azadlığ rujnomə maliyə mudir həm heste.

Xalığ Cəhbə lider Əli Kərimli həm jıqonə hukmon barədə ğeydış kardə ki hukuməti rəsmion pidəşone de Qulən əloğədə bıə pesoxtə bıə bəhonəon mıxolifon dəstqir bıkonş

Besərhədə Jurnaliston nomo bıə təşkilat həm Əmirovi ozodəti tələbış kardə.