Kaspi(Xəzə) dıyo natiyə çoləon inkişof doe plan.

İroni Xəzə(Kaspi) nat şirkəti beynəl xalğ koon rəis Ramin Xodafərin bo Xəzə(Kaspi) dıyoədə natə çoləon inkişof doe və kandemoni əməliyaton icra kardero de Norveç, Rusiyə və Çini şirkəton həmkari karde xəbəş do.

Bə İrna raporti əsos çımiku bə nav çı Xəzə(Kaspi) nat şirkəti yol Muhsen Delaviz həm de Luk Oil urusə şirkəti həmkari mığovilə imzo karde barədə xəbəş doə bıə iyən elanış kardə: həminə mığoviləku hədəf Xəzə(Kaspi) dıyoədə natə çoləon kəşf karde heste.

Xəzə natiyə şirkət çı İroni Nat Milliyə şirkəti qıləy kompaniyaonku heste ki Qilan, Mazəndəran və Qolestan ostanonədə bıə sahilon və ovonədə(Kaspi dıyo cənubədə) nat və qaziyə meydonon inkişofi məsole.

Im şirkət bə İroni nat milliyə şirkət və beynəl xalğiyə kompaniyaon miyono imzo bıə mığaviləon ijən ekoloqiya mıvzoon həm nəzorət kardedə.