Səhiyə və damon sahədə İron və Azərbaycan Respublika miyono həmkarion ziyod bəbe.

İroni səhiyə və dəvo-damon vəzir votışe: Tehron dıləş heste səhiyə və damon sahədə de Azərbaycan Respublika həmkari və əloğəon inkişof bıdə.

Bə İrna raporti əsos İroni səhiyə və damon vəzir Həsən Ğazizadə Haşemi ımruj Ardebilədə qıləy yolə noxşxonə soxte əməliyati diyə karde cərəyonədə bə İron və Azərbaycan Respublika miyono səhiyə və dəvo-damon sahədə həmkarion işorəş kardə və əlovəş kardə: ısət İron Azərbaycan Respublikaədə mıştərəkə damon fabrikaon soxte proyekton icra kardede və lozime ki ım kişvər çımiku vey de İron həmkari bıkə.

İroni səhiyə və damon vəzir səlomət turizm sahədə bə İron və Azərbaycan Respublika miyono həmkarion təkidış karde və votışe: ısət İroni sərhəddiyə ostanonədə dıvləti və ğeyri dıvlətiyə noxşxonə iyən damoniyə mərkəzon bə Azərbaycan Respublika noxşon çokə xidməton dodən ijən mıştərəkə zərfiyəton bo xidməton keyfiyəti ziyod kardero bəbe istifodə bıbu.