İlham Əliyevi ailə sue-istifodəon barədə tojə xəbəon.

Azərbaycan Respublika prezident aparati xarıci rabitə və əloğəon idorə rəis siyonist rejimi Haarıts rujnomədə dərc bıə xəbəon barədə ijən Fələstin işğal bıə əraziədə İlham Əliyevi zoə zəmin və kə hıriye xoto muntəşir bıə xəbəon və sıxənonış rəd kardə.

Bə İrib raporti əsos Noruz Məmmədov votışe: ım siyonistiyə rujnomədə çand kərə jıqonə iddion bə prezidentəti ailə əleyh elan bıə be ki lozime çəvon barədə iza doə bıbu.

Əv jıqonə iddiaon barədə ıştə təssufi elanış kardə ijən votışe: jıqonə sohbəton və bəyon bıə iddiyaon dırıst ni.

Ğeyd kəmon ki siyonist rejimi qıləy rujnoməon(Haarıts) çın rejimi turist vəzir Yarev Leviniku nəğlış kardə ki Azərbaycan Respublika prezidentəti zoə dəvardə manqonədə çand kərə bə siyonist rejimi tərəfiku işğal bıə ərazion(Fələstinədə) səfərış kardə ijən ım işğal bıə əraziədə kə iyən zəminon hıriye kənoədə çandə bə sərmoyəon cəzb karde məşğule.