SOCAR-i çanədə ğarz hestışe

Azərbaycani Devlətə Natə Şirkəti bo məmləkəti iğtisadiyyati vey yolə əhəmiyyət hestışe.

Çey maliyyə mışğılon həm keşvəri iğtisadi vəziyyəti, həmən əhali maddi quzərani tikiən çətin kardedə. Məhz çey maliyyə behran bə benzini ğıyməti 28 % boho be səbəb bıe, məmləkətədə inflyasiya səviyyə tikiən barz kardışe. Bı nezonədə SOKAR-i ıştə 2016-minə sori fəaliyyəti barədə yekun hesabat inqilisi zıvonədə elan kardəşe. "Maidə.az" bə Azadi Radio istinadən çe İğtisadşunas Zehrab İsmayıli fikron bə əhandon nəzə rosniəşe. Məlum bedə ki, çe Şirkəti maliyyə təəhhud 35 milyard 300 həzo mənote ki, ımən bo çey imkanon ro vey yolə məbləğe. İm sor əv 6,7 milyard mənot təhhudi avjor kardənine. Dırozmuddətinə ğarzon miğdar isə 8,2 milyard mənote. İğtisadşunas Muəssisə jıqo behraninə vəziyyəti səbəbi bevəcə usuli-idarədə vindedə. Votedə ki, SOKAR -ədə korrupsiya riski ehtimal veye. Çunki bey hiç qıley devlətə orqani nəzarət karde ro səlahiyyətinə imkan nişe. Jiqo behranon bə əməl nome ro bey devləti ali auditə təsisat - Hisobkardə Palata, həmən şəhrvandə cəmiyyəti nəzarət təmin bıənine.

Zehrab İsmayıli həmən ğeyd kardəşe ki, SOKAR-ən bənə Azərbaycani Beynəlxalqə Banki muflis be bəzıne. Bı koədə Azərbaycani ım Natə Şirkəti TANAP və TAP layihonədə iştiraki potensial məsrəfonən bə nəzər se lozime. Im hesabati barədə Şirkəti rəsmiyon bə muxbiri parsi çəvob doəşon ni.