İron çı Kaspi dıyo saheliyə kişvəron nati sadir kardero hozzoe.

İron çı Xəzə(Kaspi) dıyo nati bə co qılə kişvəron sadir karde barədə ıştə hozzo mandeku xəbəş do.

Bə İrib raporti əsos, İroni nat lulə xəton şirkəti sədr, Həmid Husseyni elanış kardə İron karde bəzne har ruj bə 500 həzo barel nezi çı Xəzə(Kaspi) dıyo nati sadir ijən bə ım dıyo hamsuyə kişvəron komək bıbu.

Husseyni əlovəş kardə: Xəzə dıyo saheliyə kişvəronku varid bıə nat İronədə Neka nomo bıə natiyə qumrokədə teyli bəbe ijən de lulə xəton vasitə bə Tehron bərəse.

İroni nate lolə xəton kompaniya sədr təsdiğış kardə: ım xət 272 kilometre dıroziş heste.

De mıştərəkə ğərordadon bərobər İron çı Kaspi dıyoku varid bıə nati bəştə ehtiyoci əsos istifodə bəkay ijən Fars dıyoədə bənə həmonə nati keyfiyyət bə Kaspi dıyo hamsuyə kişvəron nati hıryə kəson dodə.