İron və Azərbaycan Respublika roon miyonədə moliyot kam bə.

Bokuədə bə İron İslam Respublika səforəti ixtisadiyə məsləhətçi votışe:İron və Azərbaycan Respublika miyonədə bo bardə maşinon şe ome karde moliyot kam bə.

Bə telerədyo aqentəti zinə xəbon əsosi Azərbaycan Respublikaədə ironi səforəti ixtisadiyə məsləhətçi Muhəmməd İbrahimi əlavəş karde 2017 minnə sori yanvarə manqi Nəxçivan şəhrədə bə 2 qılə məmləkəti ixtisadiyə həmkarətion mıştərəkə kamisiya 11 minnə devrə təvafuği əsosi İron və Azərbaycan Respublika miyonədə bo bardə maşinon moliyot 160 dollariku bə 100 dollar kam bə və ım təvafuği icra avqosti 8 nə rujiku bərpo bə.

Muhəmməd İbrahimi İron və Azərbaycan Respublika ticarəti inkişaf iyən 2 tərəfi idxal və ixracat əkə vəsiləon nəğliyyati xərcon kam karde həmçinin ironi bo bardə maşinon nəğliyyat xərcon kam karde ki azərbaycaniku bə Qurcestan və Rusiyə tərəf şedən mincumlə bo bardə maşinon moliyoti kam karde faydonku zınəşe.

dəvardə sori 51 həzo 473 qılə ironi bo bardə maşin Azərbaycan Respublikaədə və 50 həzo 831 Azərbaycan Respublika bo bardə maşin ironədə şe-omeşon kardə.