Azərboycon Respublikaədə Turan Aqentiyəti tətil bıə.

Azərboycon Respublikaədə yeqanə mıstəğillə aqentiyəti tətil bıə.

Bə İrib raporti əsos, Azərboycon Respublikaədə Turan nomo bıə mıstəğillə aqentiyəti ıştə saytədə ım xəbəriyə mərkəzi rəisi həbs karde ijən bankiyə hisobon baste bəpeştə fəaliyəton vəy qəte ijən koon tətil beyku xəbəş do.

Azərboycon Respublikaədə dıvlətiku tənğidəkə yeqanə mıstəğillə aqentiyəti sədr Mehman Əliyev məvuji moliyoton nıdoe iyən puli fəsodon xoto dəstqir bıə ki ım aqentiyəti tətil karde bois bıə.

Buko dıvlət iddio kardə ki im aqentiyəti 19 həzo Avro bəbe moliyoton bıdə.

Çimiku bə nav Azərboycon Respublikaədə dıvləti əmniyətiyə qıvvon bə Turan Aqentiyəti vırə və ofis hucumışon kardən iyən ım xəbəriyə mərkəzədə bıə sənədon iyən jurnaliston təchizaton mısodirə və toğif kardışone.

Bə İnsonə Həxon Nəzorətəkə Beynəlxalğiyə Təşkilat, çand kərə Azərboycon Respublikaədə mıstəğillə aqentiyətion kontorol karde iyən jıqo əvoni nəzorəti jiədə noe xoto tənğidış karkə.