Maskvadə İron və Rusiyə miyono həbiyə muzakirəon.

İron və Rusiyə mudafiyə vəziron muavinon, General Nəsrullah Kəlantəri İyən General Aleksander Fomin Maskvadə hərbi, texniki iyən steratejikə həmkariyon barədə muzakirə kardeşone.

Çı Rusiyə mudafiyə vezarətxonə xəbə iyən informasiya idarə elanış kardə: İroni mudafiyə vəziri beynəl xalğ məsələoon muavin bə Maskva səfər karde cərəyanədə zinə de General Aleksander Fomin vindemon iyən muxtəlifə mivzuon barədə sohbətış kardə.

İron və Rusiyə mudafiyə vəziron muavinon həminə mulağatədə elan kardən ki: 2 qılə kişvəri miyono rabitə və icloson vey əhəmmiyətış heste iyən karde bəzne bə mıştərikə əloğəon çimiku vey təhrik karde bois bıbu.

Rusiyə mudafiyə vezarətxonə xəbə iyən informasiya idarə təsdığ kardə: General Nəsrullah Kəlantəri İyən General Aleksander Fomini miyono muzakiron bo həmkariyon hevuj kardeyro İron və rusiyə miyono tam hozzo mande nışo dodə.

İron və Rusiyə miyono hərbi həmkariyon dəvardə soronədə vey ziyod bıə ijən Suriyədə 2 tərəf mıştərikə əməliyoton jentonədə iyən həminə həmkariyon çərçivədə de yande həm pəymonin.