İron və Azərbaycan Respublika elmi və texnoloqiya həmkarətion inkişaf.

İroni elmon təhğiğat və texnoloqiya vəzorətxonə muavin tehronədə bıə Azərbaycan Respublika səfiri vindımonədə elmi və texnoloqiya həmkarətion inkişaf doeyu bıə roon barədə muzakirəşon ka.

İroni elmon təhğiğat və texnoloqiya vəzorətxonədə bə təhğiğatiyə koon muavin Vəhid Əhmədi zinə tehronədə bıə Azərbaycan Respublika səfir Bonyad Hudeynovi vindımonədə bə 2 qılə məmləkəti tarixi mədəni və məzhəbiyə təcrubəon işarəş karde və votışe:İron hozzı de Azərbaycan Respublika nakonə təvafuğnaməon icrayi kardeədə tojə baxşonədə həm ım həmkarətion inkişaf bıdə.

Əhmədi əlavəş karde İron de Avrupa mıxtəlif məmləkəton mincumlə Avstriya İsveçrə İtaliya Almaniya və Fransə cur bə curə məsəlon və bəhson mincumlə təhğiğatiyə fırsəton iyən ostadon və tələbəon şe ome kardeyu dəvardə soronədə çokə həmkarətionışon bə.

İronədə bıə Azərbaycan Respublika səfir Bonyad Huseynov həm ım vindımonədə Tehron və Boku elmiyə həmkarətion roədə bə maneon peqəte barədə işarəş karde  və votışe: Azərbaycan Respublikaədə ali məktəbon təsis bən ki neft və neftkimiya baxşonədə fəaliyyətışon heste və ironi aliməktəbon bəznen dəvon həmkarəti və elmi iyən təhğiğatiyə fəaliyyəton əncum doe.