Az.R mass-media həmkaron de Təbrizi imom cımmə vindemon kardəşone

De Ğıbonə idi munasibəti çe Az.R mass-media i ğism həmkar Təbrizədə səfərədə bıən və de imam cımmə hoccətul-islam vəl-muslimin Seyid Məhəmməd Əli Haşimi vindemon kardəşone. Im tədbirədə "Report" sayti muxbiriən iştirak bıəşe. Hoccətul-islami votəşe ki, "çəmə ğəlbədə Azərbaycan həmişə barzə vırəde. Deşmenon vey səy nişon dodən ki, əməni çe yəndıku diəro eğandon.

Əmo əvon bımi hiç vaxt nail be nibəznen, çunki, çəmə bə yəndı vey sıftinə obastəyonımon heste. Mass-media numayəndon çəmə devləton arədə əlağon həniən ğoym kardeədə çokə rol və imkanon hestışone. Əmo təəssufinə koe ki, şımə ıştə proqramonədə iranofobiya məzmuninə qəpon jedəyon. Əmə şımə ım koyku norohət bedəmon. Haliyədə çəmə dı qılə devləton arədə çokə munasibət heste, media numayəndon bə ım munasibəton inkişafi bəpe komək bıkon."

İmom cımmə həmən əlavə kardəşe ki, "Azərbaycanədə bə islami nufuzinə odəmon təzyiğon barədə xəbon hestin. Çəmə şımə devləti sərdaronku orzumon ıme ki, de mısılmonə xadimon mulayim və mehriban rəftor bıkon. Çəmə ım sıxanon bə devləti məsulinə odəmon bırosnən. Əmə bə deşmenon niyyəton qorə norohət bedəmon ki, əvon əməni yəndoku diəro karde nızınon. Bı koədə vey huşyar be lozime. Şımə çəmə devləton, xalqon arədə mehriban və bıyəti əlağon həniən ziyod karde bəzıneyon."