Rusiyə iyən NATO hərbi rəsmi şəxson miyono mulağat.
-
Zinə Avropa iyən Nezəşərğədə bıə əmniyətiyə bıhranon barədə sohbət bıə.
Bokuədə Rusiyə həmməy hərbiyon ğərorqo rəis Valery Gerasimov iyən NATO təşkilati hərbiyə kamisiya sədr Peter Pavel de yande mulağat iyən muzakirə kardeşone.
Boku xəbəriyə mənbəon çı Rusiyə mudafiyə vezarətxonəku nəğlışon kardə ki bokuədə bıə zinə ruji mulağati cərəyanədə Avropa iyən Nezəşərğədə bıə əmniyətiyə bıhranon barədə sohbət bıə.
Rusiyə həmməy hərbiyon ğərorqo rəis Valery Gerasimov ım mulağatədə Rusiyə ğərbədə tojə hərbi manıvri dəvoniye barədə komilə rapotış do ijən elanış kardə: hərbi manıvron mudafiyə cəhətiku əncum bedə ijən bə hiç kişvəri mənafe ələyh ni.
2 tərəf jıqonə mulağaton dəvom doe barədə həm bə təvafuğ rəsən.
Bokuədə Rusiyə həmməy hərbiyon ğərorqo rəis Valery Gerasimov iyən NATO təşkilati hərbiyə kamisiya sədr Peter Paveli miyono mulağaton çı NATO iyən Rusiyə miyono rabitəon ğət bey bəpeştə i minə mulağat və muzakirə hisob bedə.
Rusiyə həmməy hərbiyon ğərorqo rəis Valery Gerasimov hamçınin bo hərbi həmkarion tale mıəyyən kardero de przident Əliyev həm mulağatış kardə.
