Azərbaycan Respublikaədə ijən siyasi muxalifon ozod karde dəvomış heste.

Azərbaycan Respublikaədə dıvləti qıləy muxalifon ijən de Qulən təşkilati həmkari karde bəhonə həbs bıə mədəni fəəl qirov noe bəpeştə zindoniku ozod bıə.

Bə Frans Pres raporti əsos mədəni fəalə muxalif Faiğ Əmirovi vəkil elanış kardə: zinə iyən çımı muvəkıli həbsi bə oxo rəseku 25 manqi bənav, Boku dıvlət əvışon de təminot noe vasitə ozod kardeşone.

Dəvardə Avqustə manqədə ijən Faiğ Əmirovi maşinədə bə Qulən təşkilati vabəstə bıə kitobon peydu karde xoto Buko əmniyətiyə məmuron əvışon dəstqir kardəşon be.

Im həbsi bəpeştə çı Azərbaycan Respublikaədə Xalğ cəhbə rəis Əli Kərimli elanış kardə bıəbe: Boku hukumət çəmə partiya tərəfdaron dəstqir iyən çəvon sədo məhv kardeyro ısət de Qulən təşkilati bəhonə cəmaəti həbs kardedə.

Koşınason vindemoniku dınyo insonə həxonku mudafiyəkə təşkilaton təziğon bəpeşt ısət Buko hukumət bəzi siyasi məhbuson ozod karde fikədəy.