Ərdoğan İraği Kırdıston məntəğə bə tojə sanksiyaon təhdidış kardə.

Kırdıston məntəğədə referendumi dəvoniye ğəroli ciddi bey bəpeştə Turkiyə prezident kırdonış bə tojə sanksiyaon dəvoniye təhdidış kardə.

Bə İrib raporti əsos, Rəcəb Təyyib Ərdoğan ımruj çı İ bıə Milləton Təşkilati Umumiyə icmo iclosədə ijən de İraği kırdıston məntəğə co karde referendumi ıştə muxalifəti elanış kardə və votşe: əmə bo tojə təhrimon ijən İraği kırdon bə sanksiya dənoero hozzomon.

Ərdoğan işarəş kardə ki həminə referendumi raksiya çərçivədə təhrimon bəbe vey rə bə İraği kırdıstoni zidd əməli bıbu əmmo çəy detalon iyən zəmoni barədə sıxanış nıkardə.

Tojədən İraği əmniyyətiyə kabinet həm qıləy bəyoniyədə rəsmi surətədə elanış kardə: İraği Kırdıston məntəğə co karde referendum ğeyri ğanuni ijən bo İraği milləti vəhdət və milli əmniyyətiro qıləy təhdide.

İraği kırdıston məntəğə bəzi partiyaon de Məsud Barezani ğəroli bərobər Sentyabri 25 ədə İraği kırdıston məntəğə mıstəğil bey referendumi təsdığ kardən.

İraği mərkəziyə dıvləti rəsmi şəxson iyən məntğə kişvəron vey kərə ıştə muxalifəti de həminə ğərol elan kardəşone.