Məhdudiyəton kənoədə Azərbaycan Respublikaədə İmom Huseyn(ə)-i şəhodəti mərasimon.

Azərbaycan Respublika kişvərədə çandə məhdudiyəton kənoədə xəbə omə vey məçiton və huseyniyəon karde zındəşon bən dıvləti nəzorəti jentonədə İmom Huseyn(ə)-i şəhodəti mərasimon bərpo bıkən.

Bə İrib raporti əsos Azərbaycan Respublika əzodorə millət zinə çı şiəyon 3 minə İmom Həzrəte Ağa İmom Huseyn(ə) və çəy bəfodorə yaron şəhodəti yolə matəmədə məxsusə mərasimonədə iştirok kardeşone ijən deştə ağa əhdon dəbasteşone.

Aşura məktəbi aşiğon ım kişvəri vey məçiton və huseyniyəonədə əzodorti dastəon və qırdbemonon təşkil doşone və ijən sabiteşon kardə ki har miğdor ki məhdudiyəton dəvomış bıbu zalim və istikbariyə ğıvvon çı Əhli-Beyt(ə) nur və eşği məhv karde əzı nin.

Şame Ğəribani mərasim həm de cəmaəti əzəmətinə huzuri vasitə Azərbaycan Respublikaədə bərpo be.

Imsor həm bənə dəvardə soron Buko hukumət de veyə məhdudiyəton məxsusən Tolışə şəhronədə pidəş be bə İmom Huseyn(ə) aid matəmə mərasimon ijən Aşura ruji şiəyon bərnoməon ləğv bıkə ki bə hədəfon kamilən rəseyro muvəffəğ nıbe boçi ki Buko dıvlət hələ ım kişvərədə bə cəmaəti 85 faiz Şiə bey və çandə bə Əhli Beyt(ə) bəfodor mande bovəş ni.

Ermənistoni İrəvan şəhrədə həm şiəyon Kəbud nomo bıə məçitədə əzodartion bəpeştə vey rohət zinə Aşura Nımoji hande bəpeştə bə İronıjə şəhid Muhsin Hucəci həm(ki bə Həzrəte Zeynəb(s) pokə hərəmi mudafiə karde xoto şəhid bıə) ehtırom kardeşone.

Im mərasimədə Ermənion bə kəno İron və co kişvəronku mısılmononə şəhrvandon həm huzurışon be.