Nat sahədə İron və Rusiyə miyono 2 qılə həmkari muğavilə imzo be.

Moskvaədə İroni Nat Milli Kampaniya və Rusiyə Luk Oil Kampaniya miyono 2 qılə həmkari muğavilə imzo be.

Bə İrib raporti əsos ım təvafuğnomə de İroni nat vəzir Bijən Zənqənə və Rusiyə Lok Oil natiyə şirkəti rəis Vəhid Əliəkbərovi tono imzo bıə.

Çımiku bə nav 2 qılə kişvər bə natiyə həmkarion və Moskvadə qaziyə iclosi kənoədə bə əloğəon inkişof doe təkidışon kardə bıən.

İroni nat vəzir zinə və dınyo qaz sadir əkə kişvəron icmaədə iştirok kardero bə Moskva səfərış kardə be, ım iclos ımruj bərpo bıə.

İron, Əlcəzair, Bolivia, Misr, Qivinia, Niqeriyə, Ğətər, Rusiyə, Venesuelə və co Afriqavıjə kişvəron ım icmadə əsliyə uzvonin ijən, Hollandiyə, Norvec, İrağ, Oman və Azərbaycan Respublika bənə nazir kişvəronin.