Ğobustan zindoni rəhbəriyyəti bə Beynəlxalqə Səlibe Sorxi numayəndon du votəşe
Nardarani hadisə məhbus Abbas Huseynovi nezə odəmon bə "Azadlıq.info" xəbə rosniəşone ki, 2 həftəsən veye, Abbas bə kə zanq kardedəni, əvon çey vəziyyətiku norohətin. Çunki ey orəxnə telefonə qəpədə votəşbe ki, zindoni koəkon tərəfo ey de kışte təhdid kardedən.
Abbasi ailə uzvon bı barədə həmən bə Beynəlxalqə Səlibe Sorx Komitə Boku numayəndəti məlumat doəşone. Im Komitə odəmon bə Ğobistan şən de çəvrey zindoni rəhbəriyyəti molağat bardəşone. Zindoni rəsmiyon votəşone ki, bo Abbasi bə ıştə ailə de telefoni qəp jeədə məhdudiyyət ni, əv ıştən deştə ailə ğəp je pidə nişe.
Nəhayət, oktyabri 1-minə ruji Abbasi bəştə kə zanq kardəşe, votəşe ki, əv daima çe zindoni məmuron təhdidi jitonoe, bey de kəy qəp je imkan dodənıbin, rəhbəriyyəti bə Səlibe Sorxi votəyon bıhtonin. Əlavən vote lozime ki, ım zindoni məmuron sentyabri 16-ədən de AŞPA numayəndon munasibətədə jıqo qıley soxtəkarə hərəkət kardəşonbe. Bəvədə Avropa Şura numayəndon de dini məhbuson vindemoni ro bə Ğobustani zindon oməbin. İm zindoni rəhbəri de Taleh və Abbasi nomi bəvon co məhbuson təğdim kardəşbe.
