Qurcıstani mısılmonon ixtiyorədə tojə məçiton.

Qurcıstani dini mıvzoon dıvlətiyə təşkilat ijən co 10 qılə məçiton çın kişvəri mısılmonon idorə ixtiyorədə ğərorış do.

Bə İrna raporti əsos çı Qurcıstani mısılmonon idorə sədr Ramin İqidev votışe: ısət və de tojə məçiton izofə karde vasitə Qurcıstani ğərbədə qırd 160 qılə məçit ım idorə ixtiyorədəy.

Qurcıstani mısılmonon idorə rəis bə co 11 qılə məçiton fəaliyəti təsdiğ karde xoto maneon işorəş kardə və omidvar mandə ki ım mıvzoon vey rə həl bıbun.

Isət Qurcıstanədə 320 qılə məçit heste ki cəmaət çəvonədə dini fəaliyəton dəvoniyedən.

Im kişvərədə bə 4 milyon və nimə nızi cəmiyətiku bə 10 faiz yəni bə 500 həzo nəfər nızi mısılmonin.