Azərbayconıjon bə Kərbəlo bardə eşğ

]mom Huseyn(ə)-i eşği məcnun və aşığə dılon dınyo har vırədə bə Kərbəlo tərəf bardə və Azrbaycanıjə zayiron aşığonin ki, Ostoro sərhədiku de piyodə lınqi bəştə məğsədi tərəf şedən

İmom Huseyn(ə)-i aşığ ki bıbi dınyo har vırəku ıştə bəy bərosniş və fərğ kardə ni İronıj bıbi ya çəy hamsuyə kişvəriku.

bə şiəyon 3 minə İmom Həzrəte Əbaəbdillah(ə)-i eşğ və meyl bıe ki, məzlumə holətədə İslomi mığəddəsə dini bəyji karde roədə de ıştə həmə hestımon bə şəhodət rəsen,

dınyo həmə mısılmonon dılədə əbədi bəy və kəsi ni ki İmom Huseyn(ə)-i nomi və çəy məzlumə ğiyami və çəy əshabi fidukorəduiş məsə nıbo.

Azərbaycon Respublikə İroni Qilon ostani Ostoro şəhri kənoədə ğərorış heste və şiəyoni hestışe ki, dılışon Kərbəlo ziyorət xususən İmom Huseyn(ə)- və çəy bəfodorə ələmdor Həzrəte Əbullfəzl(ə)-i yo jedə və de şərayeti ki, ın kişvər hestışe bo Kərbəlo əzodorəti mərosimədə huzur pəydo kardeyo İroni ıştə nicotədə zınedən.

İmom Huseyn(ə)-i Ərbəin mərosimədə iştirak kardeyo Azərbaycan Respublikə şəhrvandon oxonə zayiron Qiloni Ostoro şəhriku bə Kərbəlo tərəf hərəkətışon ka.

Imruj çandə qılə karivan bo Kərbəlo ziyorət kardeyo İmom Huseyn(ə)-i 40 minə ruji bə şəhodət rəse mınonsibəti Həzrəte İbrahim və Ğasım (ə)-i imamzadə pokə ziyorətqodə mandin və ziyorət kardey bə peştə bə Kərbəlo tərəf şin.

Azərbaycani karivani rəis Buko şəhrvandonkuy, bə Kərbəlo tərəf ın karivani hərəkət karde barədə votışe: azərbaycani milət İmom Husey (ə)n və əhle beyt (ə)-i aşığonkun.

Kərbəloyi Sərdar əlovəş ka: çandə ruj mandə be bə Aşurə çəmə ziyorətiə karivan 40 qılə aftobusi sə ve zairış bə Kərbəlo vığandəşe və ın bə İmom Huseyn (ə)-i eşğ və iradəti nışonəy.

Əv dəvomədə votışe:Aşuradə əxtə bə Kərbəlo şıeyo zayirımon heste ki imkanat və maşin nıbe xoto çəvon ğəbul karde zınedə nimon.

Bə Kərbəlo Azərbaycanıjə zairon karivani rəis votışe: İmom Huseyn (ə)-i Ərbəin ruji mərosimədə iştirak kardeyo zairon vığande çandə ruj çimiku bənav təşkil bəy və ım ruj oxonə ruje.

Əv zairon veyniş Buko, Lankon və Qəncə şəhronkun əlovəş ka: Buko şəhr və Tolış ənıştə məntəğəon millət Azərbaycani coqılə şəhronsə ve bə İmom Huseyn(ə) və Kərbəlo ziyorət karde meylışon heste.

Kərbəloyi Sərdar votışe: vote bedə Azərbaycani millət ıştə jenon hucab nıbe xoto xəyli kam İmomonışon bovə heste qıləy holədə ki Azərbaycanıjə jenon həta çəy hicob nıbə kəson Kərbəlo ziyorət kardeyo xəyli meylışon heste.

Əv votışe Azərbaycanıjə behicabə jenon Kərbəlo səfər karde bəpeştə diniyə məsələon xəyli rioyət kardən və ın çəvon ğəlbiyə əlağə nışon dodə.

Kərbəloyi Sərdar bəyodış varde bə dini zidd bərnaməon çəmə kişvərədə dəvamış heste və əmə bənə ironıjon diniyə mərosimon bərpo kardeyo ozod nimon və azərbaycani məillət xususən buko İslom Əimə və İmom Huseyn(ə)-i aşığin.

Əv bə bə azərbaycanıjon milləti piyo Əimə(ə)-i ziyorət karde təsiron işarəş ka və votışe: Çıman şirkəti zayiron veyni vaxtiki Kərbəlo və Mığəddəsə Məşhədi  ziyorət kardeko oqardən xususən jenon və kinan 180 dərəcə əvəz bedən və ıştan İslom və şiyə təbliğ kardən və Əimə(ə)-i ğəvon ziyorət karde çəvon dıli məhzun və norohət kardə.

Kərbəlo Ziyorətiyə karivani rəis bəyonş ka inki İron İslam Respublikə ğədri bıznən və votışe: İron İslam Respublikə bo dınyo şiəyonyo qılə yolə nemət xususən bo Azərbaycani millətiyo və əmə arzumon heste İslomiyə hukumət bənə İron və qıləy rəhbər bənə ironi rəhbər bıbomone.

Əv bə nisbət bə İmom Xomeyi(r) Azərbaycani milləti əlağəş işarəş ka və bə yodış varde Çəmə hukumət əmə nəzorət kardə və əmə zınedə nimon İştə meyl və əlağə oşko bıkəmon.

Kərbəloyi Sərdar votışe: Azərbaycani mısılmonon omid bə İrone və omidımon heste Azərbaycani kişvərədə bənə İron İslam Respublikə de Millətiyə vıjnımon bərpo bıbo.

Əv bə İraği sərzəmin zairon çıcurə vığande barədə votışe: İrağiku zairon veyni piyodə tabə İmom Husey(ə)-i pokə hərəm şedən və de inki zınedə  İmkanış heste İraği polis çəvon navi bıqəto əmmo bə İmom Husyn(ə)-i eşğ bıe xoto piyodə şedən.

Azərbaycani zairon karivani rəis votışe: zairon Kərbəlo ziyorət karde bə peştə bə Cəmkəran və Həzrəte Məsumə(s) və İmom Rıza(ə)-i pokə hərəm bəşen və de siə dıli ın yolon ziyorət karde bəpeştə bə ıştə kişvə oqardon.

Əv işarəş ka bə inki Azərbaycani millət xəyli bə İmom Rıza meylışon heste votışe:niyyətımon heste bı ki, mığəddəsə Məşhədi ziyorət karde maliyə məsələon xoto ıştə səfəri bərnaməonku peqətəmon əmmo Azərbaycanıjə zayron voteydən məzlumə İmom Huseyn (ə)-iziyorət karde de İmom Rıza(ə)-i pokə hərəmi ziyorət karde komil bəbe.

Kərbəloyi Sərdar İronıjon ğonəğ ğəbul kardeku xususən Ostoro sərhədə ğədrdanətiş ka və zayron qomrokiyə koon əncom doeyo veyə həmkarətiş tələbış karde .

Imsor 20 həzo nəfəri sə ve Azərbaycan Respublikə Tolışon Və Azəri şiəyonku Ostoro bə Bıləso zəminəyə sərhədiku Nəcəf ta Kərbəlo Çandə milyoniyə şemonədə iştırak kardeyo bə İrağ şən.