Əkrəm Əlkəbi:İraği Mığoviməti siloh hiçvaxti təhvil doey nibəbe
İraği Ənnucəbo Hərəkoti Sərkatib bə amerkə rəsmiyon oxonə sıxanon reaksiyədə,de bə Mığoviməti Qrupon silohi mevzu həssosəti təkid kardey,çe daxili cərəyonon tərəfiku harcurnə ın məsələ plani rədd kardeyış tələb kardə.
Bə Pars-Tudey doə məlumoti əsos,İraği Ənnucəbo Hərəkoti Sərkatib Əkrəm Əlkəbi elonış kardə ki,oxonə rujonədə çe amerkə səfərotxonə koəvoni tərəfiku çandə qılə sıxaniku bənə”çe şər iyən fəsodi səfərotxonə” unvoni və de sehyonist rejimi sərostə təhriki çe İrağədə çe İslomi Mığoviməti silohi həxədə bəhs kardey be.Əy əlovəş kardə:Məələsəf çe fərdonku qıləy kamə hissə bə dınyəvi mənafeyon təsiri ji dəşən və bo ın mevğıyyətonro bə qıləy tribuni təbdil bıən.Əlkəbi de bə şəri,milli iyən əxloği məsuliyyəti təkid kardey,çe Mığoviməti Qrupon həmməku tələbış kardə ki,əsosən çe jıqo qıləy mevzuku bəhs kardey rədd bıkon. qıləy şərayitədə ki,çəmə kişfər ijən həm işğali jiyədəy,çəmə həvo marzon darıştey beydə iyən çəy suverenəti çe oşko iyən daymiyə mıdoxilə nəticədə zəyif bıə,ım qıləy xəcolət vardə koye.Əlkəbi elonış kardə ki,çe Mığoviməti silohi sıə xətt,çe şəhidon əmonət iyən bə İraği əsilə əşirəton şərofəti səbəb beydə.bəçəy votey əsos,ın siloh çe ğıboni bıə kəson xıyzonon dardi orom kardedə iyən çe muminon ruhiyyə zumand və həmçinin de DAİŞ-i qrupi iyən deçəy himoyədoron mıborizədə rolış bıə.İraği Ənnucəbo Hərəkoti Sərkatibi təkidış kardə ki,ın siloh çanədə ki,çe Mığoviməti Ğıvvon hestin,təhvil doey nibəbe və hətto lozım bıə surətədə boçəy xandi kardero ıştə conon fido bkarde.
