Briqada Qeneral Şeyx:İroni sivilizasiyə məhf bıənin ni

İroni İslomi Respublikə Ləşkəri İcroiyyə Mıovini bəyonış kardə ki,çe İroni məhf kardey barədə hədərə sıxanon kardey,çe İroni milləti barədə qıləy stratejikə səhfe və elonış kardə:İron qıləy sivilizasiyəy iyən mədəniyyət hiçvaxti de bombə volo nibəbe.

Bə Pars-Tudey doə məlumoti əsos,çe İroni İslomi Respublikə Ləşkəri İcroiyyə Mıovin Briqada Qeneral Əlirıza Şeyxi bə İroni milləti dışmenon çəşnavi doə holədə votəşe:Əvon bə İroni milləti iyən bəçəmə silohinə ğıvvon sabiğə nəzə bıkon,peşo çe İroni barədə sıxan bıvoton.əvon bəçəmə təmədduni odyəson,bəçəmə torıxi,bəçəmə coğrafiya nəzəkon,peşo çe İroni barədə sıxan bıvoton.Əy əlovəş kardə:İroni məhf kardey barədə və bənə ımi bıə hədərə sıxanon,çı İroni milləti barədə qıləy stratejikə xətoye.dışmen,ın milləti,çəy torıx iyən təmədduni zıneydəni.Briqada Qeneral Şeyxi təkidış kardə:İron ıştə təsisi zəmoniku,de əvəzon iyən canqon dimbədim omə.əmmo hejo pobərco mandə iyən bəmande.İron səbarz bıə,mandə iyən bəmande.boçi ki,İron qıləy sivilizasiyəy və mədəniyyət de hiçvaxti de bombə volo nibəbe.